Tibb elminə ağır itki üz verdi

Tibb elmləri doktoru, professor, əməkdar elm xadimi Nurəddin Rzayev 82 yaşında vəfat edib. Xatırladaq ki, Nurəddin Rzayev 1929-cu ilin 26 iyununda Gədəbəy rayonunda anadan olub. 1950-ci ildə Azərbaycan tibb institutunu fərqlənmə diplomu ilə bitirib və 3 il Türkmənistanda işlədikdən sonra Bakıda cərrahlığa və elmi fəaliyyətə başlayıb. O, 300-ə qədər elmi məqalənin müəllifi, 40-ə qədər elmlər doktoru və elmlər namizədinin rəhbəri olub. Nurəddin Rzayev Amerika Birləşmiş Ştatlarında, Türkiyədə, Böyük Britaniyada, İranda və Polşada keçirilmiş elmi konqreslərdə Azərbaycanı və SSRI-ni təmsil edib. Azərbaycanlı alimin müxtəlif ölkələrdə onlarla elmi məqaləsi nəşr olunub. Allah rəhmət eləsin.