"TikTok"da yayılan yeni trend ölümlə nəticələnəcəkdi.
AZXEBER.COM xarici mətbuata istinadən xəbər verir ki, "TikTok"da təhlükəli trend yayıldıqdan sonra 12 yaşlı uşaq ölümlə üz-üzə qalıb .
Son zamanlar "TikTok"da populyarlaşan "maqnit pirsinq” trendi uşaqlar üçün ciddi təhlükə yaradır. Bu tendensiyada uşaqlar və yeniyetmələr bədənlərinin müxtəlif hissələrinə kiçik maqnit topları yapışdıraraq "pirsinq effekti” yaradırlar.
Lakin ən təhlükəlisi bu toplar udulduqda daxili orqanlara yapışaraq ölümcül zərər verə bilməsidir.
"The Sun"da çıxan xəbərdə İngiltərədə yaşayan 12 yaşlı Bobbinin anası Hannah Amer yaşadıqları qorxulu anları belə izah etdi: "Bobbi dostları ilə oynayarkən ağzına kiçik bir maqnit top qoydu. Ancaq top o qədər kiçik idi ki, birbaşa boğazından aşağı sürüşdü. Üç saat davam edən əməliyyatda həkimlər Bobbinin bağırsaqlarını çıxarıb və maqnit toplarını xaric ediblər. Əməliyyatdan sonra həkim Hannaya dəhşətli həqiqəti açıb: "Əgər bir neçə saat daha gözləsəydik, bağırsaqları deşəcəkdi”.
Bu hadisədən sonra Bobbinin məktəbi kiçik maqnit toplarını qadağan edib və şagirdləri təhlükə barədə məlumatlandıran bir toplantı keçirib.
Gülay
