"Teymur Əmrahı beş yaşımdan tanıyıram. Bu gün onun sözünün heç bir dəyəri yoxdur. Pedaqoq kimi gözəl insansınız".
AZXEBER.COM xəbər verir ki, bu sözləri aparıcı Tarix Əliyev (Tolik) "Tarixin bir günü" verilişində deyib.
O, Əməkdar artist Teymur Əmrahın son günlər sosial şəbəkələrdə geniş müzakirə olunan və bəzi müğənnilərin iradlarına səbəb olan Şəbnəm Tovuzlu, Zeynəb Həsəni, Damla, Manaf Ağayevin ifasını tərifləməsinə münasibət bildirib:
"Nadir Qafarzadənin sözündə böyük haqiqət var. Orada söhbət nə Şəbnəm, nə Damla, nə də Manafdan gedir. Söhbət illər əvvəl "mədənniyyətimizə ləkə vuran” deyərək efirdə bağırmağınızdan gedir. Bu da efirimizin ən böyük problemidir. 3-5 musiqi termini öyrənib və çıxıb efirdə "Bu səslər soprano və sairə...” deməklə deyil.
Teymur bəy, son 5 ildə sizin bir dənə də olsun tələbənizi görmədim. Ən son tələbələriniz Elton Hüseynəliyev, Ayaz Qasımovdur. Nadir demək istəyir ki, sənətkar satılmamalıdır. Bu gün kimsə deyə bilər ki, mərhum İlhamə Quliyeva kimdənsə hədiyyə alıb. Onun sözü keçərli idi. Onun sözünün üstünə heç kim söz qoya bilmirdi. Bu gün də onun yeri bəllidir.
Sizdən xahiş edirəm, illərlə saxladığınız sənətdəki hörmətinizi bu fikirlərlə yox etməyin. Siz Azər Zeynalovu, Aygün Bayaramovanı kimlərlə müqayisə edə bilərsiniz? Ən azı o 20 dəfə "Leyli və Məcnun” tamaşasında "Leyli”ni canlandırıb. Bu gün hər yerindən duran deyir ki, mən muğam oxuyuram. Amma biri də nə təsnif, nə də qəzəl bilir. Bu ölkədə etalon Xalq artisti Zeynəb Xanlarova, Flora Kərimova, Alim Qasımov, Arif Babayevdir".
