Amerikada “Lip Sync Battle” olduqca məşhur teleşoudur.
Gün.Az xarici mətbuata istinadən xəbər verir ki, bu teleşouda məşhurlar bir-biri ilə fonoqram mahnı mübarizəsinə çıxırlar. Bu verilişin populyarlığını hətta digər verilişlər də mənimsəyirlər.
Məsələn, Cimmi Fellon özünün “The Tonight Show” verilişində Hollivudun parlaq simalarından olan Tom Kruzla yarışıb.
53 yaşlı Tom Kruz hər zaman olduğu kimi yenə də istedadını ortaya qoyub. O, növbəti dəfə pərəstişkarlarını yenidən təəccübləndirmək iqtidarında olduğunu sübut edib.
Tom The Weeknd-in “Can’t feel my face” mahnısını “oxuyub”. Onun səhnə performansı, rəqs jestləri şou iştirakçılarını heyran qoyub.
Cimmi Fellon isə aktyora Rolling Stones-un “Undercover of the Night” mahnısı ilə cavab verib.
Daha sonra Kruz “Paradise by the dashboard light” (Meatloaf) kompazisiyasını fonoqram oxuyub.
Sonra onlar birlikdə “The Righteous Brothers” qrupunun “You’ve lost that loving feeling” mahnısını “duet oxuyublar”.
Həmin görüntüləri oxuculara təqdim edirik:
