"Toy Olsun"un iştirakçısı həbs edildi

Lakin necə deyərlər, “xidmət – xidmətdir”.

Xəzər rayon Polis İdarəsinin müstəntiqi Neman Şirinovun Vesti.az-a verdiyi məlumata görə, 2011-ci ilin iyun-iyul aylarında Binə qəsəbəsində ardıcıl mənzil oğurluğu etməkdə şübhəli bilinən Astara rayonunun işsiz sakini, 1987-ci il təvəllüdlü Qasımov Elçin Babakişi oğlu tutulub. Müstəntiq bildirib ki, Qasımov əməllərini boynuna alıb, lakin onu da bildirib ki, oğurluğu təkbaşına edib. Bununla belə, təhqiqatçılar buna şübhə ilə yanaşırlar. Onlar Qasımovla birgə iştirak etmiş şəxslərin işin gedişində həbs oluna biləcəklərini istisna etmirlər.

Qasımov gündüz vaxtı Binə qəsəbəsi sakininin evinə soxulmaqda ittiham olunur. O, evdə heç kimin olmadığını aydınlaşdırdıqdan sonra mənzilə girib. Oğru bunu ən sadə üsulla edib: Evin qapısı qarşısında dayanıb və istənilən adı çağıraraq, elə görüntü yaradıb ki, guya mənzil sahibini çağırır. Cavab verən olmasa, demək evdə heç kim yoxdur. Adətən, səhvə yol verməyib. Bax, bu yolla Qasımov mənzillərin birindən 2000 manatlıq qızıl əşyalarını, digərindən mobil telefonlar, pul, video DVD oğurlayıb. Zərərçəkənlərin birindən o, hətta avtomobil sənədlərini də “çırpışdırıb”.

“Oğurlanmış telefonlar saxlanılandan maddi sübut qismində götürülüb. Təhqiqat nəticəsində məlum olub ki, Qasımov oğurladığı telefonları nəinki söndürməyi fikrindən keçirməyib, hətta telefon sahibinin zənginə cavab verərək onu kobud formada məlum istiqamətə göndərib. Qızıl məmulatlarına gəldikdə, oğru onları aşağı qiymətə sata bilib. İndi istintaq Qasımovun bəzək əşyalarını kimə satdığını aydınlaşdırır” - deyə Şirinov məlumat verib.

Bununla yanaşı, polis əməkdaşları dindirilmə zamanı maraqlı məqamı üzə çıxarıblar. Məlum olub ki, Qasımov nəinki peşəkar oğru, həm də istedadlı meyxanaçıdır. Qanun keşikçiləri onun ifa etdiyi meyxanalardan böyük zövq alıblar və hətta arzu ediblər ki, Qasımov həyatın o biri tərəfinə ayaq basmasın.

İlkin təhqiqatın gedişində daha bir maraqlı məqam üzə çıxıb. Daha dəqiqi, işə yeni epizod əlavə olunub. Demə, Qasımov həyat yoldaşı axtarışı ilə bir ay öncə ANS telekanalında yayımlanan “Toy olsun” verilişində iştirak edib və gəncəli qızla tanış olub. O, televiziya verilişini əliboş tərk etməyib. Qasımov şou seyrçilərindən birinin mobil telefonunun oğurlayıb. Bu barədə Xəzər rayon Polis İdarəsinin əməkdaşlarını sorğu ilə müraciət etdikləri Yasamal rayon Polis İdarəsindən olan həmkarları məlumatlandırıb.

O da bildirilir ki, Qasımov Binə qəsəbəsində növbəti mənzil oğurluğuna cəhd edərkən yaxalanıb.