ABŞ prezidenti Donald Tramp bəyan edib ki, ABŞ İran üzərində sürətli qələbə qazanır.
AZXEBER.COM APA-ya istinadən xəbər verir ki, o, bu barədə CBS News telekanalına müsahibəsində danışıb.
"Biz sürətlə və indiyə qədər görünməmiş səviyyədə qalib gəlirik”, – deyə Tramp bildirib.
Onun sözlərinə görə, İranda demək olar ki, bütün hərbi obyektlər məhv edilib. "Raketlər tamamilə məhv edilib, onlardan çox az qalıb. Dronlar məhv edilib, zavodlar hazırda partladılır. Hərbi dəniz qüvvələri məhv edilib, hava qüvvələri məhv edilib, hərbi sistemin bütün elementləri məhv edilib. Onların rəhbərliyi məhv edilib. Məhv edilməmiş heç nə qalmayıb”, – deyə ABŞ prezidenti bildirib.
Fevralın 28-də ABŞ və İsrail İrana qarşı hərbi əməliyyata başlayıb. Zərbələr İranın ən böyük şəhərlərinə, o cümlədən Tehrana endirilib. Ağ Ev hücumları Tehran tərəfindən gəldiyi iddia edilən raket və nüvə təhlükəsi ilə əsaslandırıb.
Buna cavab olaraq SEPAH genişmiqyaslı cavab əməliyyatı başladığını bəyan edərək İsraildəki hədəflərə zərbələr endirib. Həmçinin Bəhreyn, İordaniya, Qətər, Küveyt, BƏƏ və Səudiyyə Ərəbistanında yerləşən ABŞ obyektləri də hücuma məruz qalıb.
Zərbələr nəticəsində İranın ali rəhbəri Ali Khamenei və İslam Respublikasının rəhbərliyində olan bəzi digər əsas fiqurların öldüyü bildirilib.
