Donald Tramp Azərbaycanı və Mərkəzi Asiya dövlətlərini "Abraham razılaşması”na cəlb etmək niyyətindədir.
Bununla bağlı "Reuters" mənbələrə istinadən məlumat yayıb.
Məlumata görə, ABŞ prezidenti Donald Trampın administrasiyası İsraillə mövcud əlaqələrini dərinləşdirməyə ümid edərək, Azərbaycanın və bəzi Mərkəzi Asiyadakı müttəfiqlərinin "Abraham razılaşması”na daxil edilməsi imkanlarını Azərbaycanla fəal şəkildə müzakirə edir.
Qeyd edək ki, "Abraham razılaşması” 2020–2021-ci illərdə İsrail dövləti və bir sıra ərəb dövlətləri arasında, münasibətlərin normallaşdırılması üçün imzalanmış müqavilələrdir.
/APA
