"Düşünürəm ki, Tramp daha çox ölkədaxili ilə bağlı verdiyi vədlərlə yadda qalacaq. Çünki o vergiləri aşağı salmaq, enerji resurslarını, nefti, qazı və s. bunlara qoyulan qadağaları götürmək, enerji istehsalını artırmaq istiqamətində çalışacaq. Bundan başqa, ölkə istehsalını qorumaq üçün xarici ölkələr artıq ixrac və idxal tariflərini artıracağını bildiriblər. Bunlar Kanada və Meksika, qeyri-ölkələr ola bilər. Böyük ehtimal Çinə qarşı yeni idxal tarifləri gətirəcək. Böyük şirkətləri məcbur edəcək ki, istehsalı ölkə daxilində saxlasınlar".
Bu sözləri AZXEBER.COM-a açıqlamasında siyasi şərhçi Turab Rzayev deyib.
O qeyd edib ki, Tramp Netanyahu lobbisi ilə yaxından təmasdadır:
"Daha əvvəllər də etmişdilər ki, böyük texnoloji şirkətləri olsun. Bundan sonra beynəlxalq şirkətlərə qarşı Tramp qərarını verib, bir çoxuna yardımları dayandırıb. İqlim anlaşmasından çıxıb, BMT-nin fərqli qurumlarına, xüsusilə qaçqınlarla bağlı yardımları dayandırıb. Bu, onların İsrail-Fələstin müharibəsində tutduğunu mövqeyə görədir. Tramp daha çox Netanyahu lobbisi ilə yaxındır. Tramp burada Qarabağ müharibəsi ilə bağlı Ermənistan-Azərbaycan arasında da sülh müqaviləsinin imzalanmasına çalışacaq".
Politoloq bildirib ki, Tramp dövründə həm Cənubi Qafqazda, həm dünyada nisbi sülh dövrü başlayacaq.
"Digər tərəfdən, biz görürük ki, Rusiya-Ukrayna arasında sülh müqaviləsinin imzalanmasına çalışır. Bununla bağlı artıq ilkin addımlar atılıb. Məsələn, Ukraynaya gedən yardımlar kəsilib. Odur ki, burada Ukraynanın zərbə alacağı bəlli idi. Çünki bütün beynəlxalq təşkilatlardan elə Ukraynaya yardımlar gedirdi. Putin həm Ukraynanı kəskin şəkildə tənqid elədi, həm də uzunmənzilli raketlərin Ukraynaya verilə biləcəyini bildirdi. Rusiya təzyiq edir və bu şəkildə qarşılıqlı təzyiqlə məcbur edir ki, hər iki tərəf sülh müqaviləsi imzalasın. Düşünürəm ki, Tramp dövründə nisbi olaraq həm Cənubi Qafqazda, həm dünyada sülh dövr başlayacaq. Sülh dövründə dünyada iqtisadiyyata, əmin-amanlığa, sosial rifaha üstünlük verəcək. Hələ ki, görünənlər bunlardır".
Mikayıl Mirzəzadə
