ABŞ Prezidenti Donald Tramp Hindistan hökumətini Rusiyadan neft alması ilə bağlı yeni tariflərlə hədələyib.
Bu barədə ABŞ Prezidenti brifinqdə deyib.
"Baş nazir Narendra Modi çox yaxşı insandır. O, yaxşı bir insandır. Mənim narazı olduğumu bilirdi. Amma onlar (red. Hindistan və Rusiya) ticarət edirlər və biz onların mallarına tarifləri çox tez bir zamanda artıra bilərik”, - Tramp bildirib.
Xatırladaq ki, bundan əvvəl ABŞ Hindistanın əksər mallarına tarifləri 50%-ə qədər artırmışdı və bu ABŞ-a məhsul ixrac edən Hindistan şirkətlərinə ciddi zərbə vurmuşdu.
Noyabr ayında Hindistanın enerji nəhəngi "Reliance Industries” beynəlxalq sanksiyalara uyğun olaraq Rusiyadan neft idxalını tam dayandırsa da hazırda tədarük artıq bərpa edilib.
///apa
