Rusiya xarici işlər naziri Sergey Lavrov ABŞ prezidenti Donald Trampın Rusiya prezidenti Vladimir Putinlə zirvə görüşünün nəticələri haqda danışıb.
AZXEBER.COM xarici mıətbuata istinadən xəbər verir ki, Rusiya Xarici İşlər Nazirliyindən verilən açıqlamaya görə, Lavrov Alyaskada jurnalistlərə Trampın danışıqların uğursuzluqla nəticələnmə ehtimalının 25 faiz olduğu barədə açıqlaması ilə bağlı sualı cavablandırıb.
Lavrov, "Biz heç vaxt proqnoz vermirik. Arqumentlərimizin aydın və anlaşılan olduğunu bilirik. Bunu izah edəcəyik" deyə bildirib.
Lavrov ABŞ prezidenti Donald Trampın xüsusi elçisi Stiv Vitkoffun Moskvaya səfəri zamanı çox iş görüldüyünü qeyd edərək, Vitkoffun həm Rusiya prezidenti Putin, həm də ABŞ prezidenti Tramp adından eyni sözləri dediyini xatırladıb.
Lavrov, "Ümid edirəm ki, bu faydalı söhbəti sabah da davam etdirəcəyik" deyə sözünü bitirib.
Gülay
