ABŞ Ukrayna münaqişəsinin həlli məqsədilə Rusiya ilə əməkdaşlığa hazır olduğunu və Rusiya ilə ABŞ liderlərinin təşəbbüsü ilə davam etdirilən danışıqları davam etdirəcəyini bildirib.
AZXEBER.COM milli.az-a istinadən xəbər verir ki, bu barədə ABŞ-nın milli təhlükəsizlik üzrə müşaviri Mayk Uolts mediaya açıqlama edib.
Uolts əlavə edib ki, keçmiş Prezident Donald Tramp artıq Putinlə danışıqlara başlayıb və prosesin növbəti həftə də davam edəcəyi gözlənilir. "ABŞ Prezidenti münaqişəni mümkün qədər tez həll etmək üçün hərəkətə keçməyin tərəfdarıdır", - deyə amerikalı rəsmi bildirib.
Digər mediada çıxan məlumata görə, ABŞ və Rusiya prezidentləri arasında telefon danışıqları baş tutub. Danışıqlar zamanı hər iki lider Ukraynada hərbi əməliyyatların dayandırılması, ikitərəfli əlaqələr və digər mühüm mövzuları müzakirə edib. Həmçinin, təmasların davam etdirilməsi və şəxsi görüşün keçirilməsi barədə razılığa gəlinib. Bu görüşün gələn həftə Səudiyyə Ərəbistanında baş tutacağı bildirilib.
Putin və Tramp eyni zamanda Baydenin prezidentliyi dövründə iki ölkə arasında münasibətlərin pisləşdiyini qeyd ediblər. Donald Tramp nəzərdə tutulan görüşün çox tez olmayacağını bildirib və əlavə edib ki, Ukrayna Prezidenti Volodimir Zelenski də danışıqlara dəvət olunacaq.
