Ermənistan Baş naziri Nikol Paşinyan Ermənistan, Azərbaycan və Amerika Birləşmiş Ştatlarının imzaladığı birgə bəyannamə ilə yaradılacaq "Tramp yolu”nun təhlükəsizliyini kimin təmin edəcəyi ilə bağlı suala aydınlıq gətirib.
AZXEBER.COM xəbər verir ki, o, Vaşinqtonda keçirdiyi mətbuat konfransında suverenlik, yurisdiksiya və ərazi bütövlüyü çərçivəsində təhlükəsizliyi Ermənistan ərazisində Ermənistanın, Azərbaycan ərazisində isə Azərbaycanın təmin edəcəyini bildirib.
N.Paşinyan yola nəzarət, təhlükəsizliyin təmin edilməsi və idarəetmənin xarici şirkətə (indiki halda ABŞ) veriləcəyini vurğulayıb:
"Ancaq tranzitin idarə edilməsi modellərinə gəldikdə, bunları demək istəyirəm. Məsələn, "Zvartnots” hava limanının, Cənubi Qafqaz Dəmiryolu Şirkətinin də öz mühafizə xidməti var. Amma həmin xidmətlərin fəaliyyəti heç bir halda Ermənistanın hüquq-mühafizə orqanlarının, dövlət və yerli özünüidarəetmə orqanlarının fəaliyyətindən artıq deyil və ola bilməz. Yurisdiksiya, suverenlik, ərazi bütövlüyü o deməkdir ki, Ermənistan Respublikası ərazisində yalnız Ermənistan Respublikasının qanunları fəaliyyət göstərir və bu, çox mühüm bir qeyddir. Orada ("Tramp yolu”) o investisiya şirkətlərinin mühafizə xidmətləri ola bilər. Bu gün Ermənistanda, bəlkə də, minlərlə (xarici) şirkət var, amma bu, Ermənistanda polisi və Milli Təhlükəsizlik Xidmətinin fəaliyyətini məhdudlaşdırmır”.
///Teleqraf
