Ötən il parlament seçkilərində deputatlığa namizəd olan tanınmış teleaparıcı Turan İbrahimov bir illik fasilədən sonra ekranlara qayıdır.Teleaparıcı yenidən “ANS” telekanalında veriliş aparacaq.T. İbrahimov xəbəri təsdiqləyib. O, sentyabr ayından ekranda görünəcəyini deyib: “Proqram tok-şou, debat formatında hazırlanacaq. Bu, Azərbaycan teleməkanında ən səs-küylü ictimai-siyasi və sosial mövzuda layihə olacaq. Ola bilsin, həftədə bir dəfə, ola bilsin həftə içi nümayiş olunsun. Bu barədə qərar hələlik verilməyib”.Turan İbrahimov onu da əlavə edib ki, verilişin adı üzərində də müzakirələr gedir: “Bir neçə ad üzərində seçim edirik, sentyabra qədər müəyyənləşdirəcəyik”.
//lent.az
