Ali Təhsil Şurasının (YÖK) sədri Prof. Dr. Erol Özvar bildirib ki, gələn tədris ilində Türkiyə-Azərbaycan Universiteti, Orta Doğu Texniki Universiteti (ODTÜ), İstanbul Texniki Universiteti (İTU) və Hacettepe universitetlərində mühəndislik proqramı açılacaq və tələbə qəbuluna başlanacaq.
AZXEBER.COM Türkiyə mediasına istinadən xəbər verir ki, Ali Təhsil Şurasının (YÖK) sədri Prof. Dr. Erol Özvar prezident Rəcəb Tayyib Ərdoğan və Azərbaycan prezidenti İlham Əliyevin iştirakı ilə imzalanan anlaşma memorandumu çərçivəsində yaradılan Türkiyə-Azərbaycan Universiteti ilə bağlı sualları cavablandırıb.
Dünyada ilk dəfə Türkiyə-Azərbaycan Universiteti ilə yeni universitet modelinin həyata keçiriləcəyinə diqqət çəkən Özvar, bu modeldə Bakıda qurduqları Türkiyə-Azərbaycan Universiteti daxilində Türkiyənin qabaqcıl universitetlərinin proqramlarını açacaqlarını bildirib.
Özvar həmçinin qeyd edib ki:
"Bu üç universitetin kompüter mühəndisliyi, sənaye mühəndisliyi və qida mühəndisliyi proqramları birgə qurduğumuz Türkiyə-Azərbaycan Universitetinin çətiri altında tələbə qəbuluna başlayacaq.
Bu universitetlər "Baku Campus” adı altında öz diplomlarını verə biləcəklər. Türkiyə-Azərbaycan Universitetinin çətiri altında bu proqramları uğurla başa vuran tələbələr müvafiq universitetlərimizin diplomlarını alacaqlar.
Tələbələrin işə qəbulu bu universitetlərin mövcud prosedurları əsasında həyata keçiriləcək”.
Oksana
