AZXEBER.COM Türkiyə mediasına istinadən xəbər verir ki, bu barədə Türkiyənin Milli Müdafiə Nazirliyi məlumat yayıb.

 

Nazirlikdən verilən açıqlamada bildirilib:

 

"Nazirliyimiz geniş strateji baxış çərçivəsində dövlətimizin yaşaması, millətimizin təhlükəsizliyi naminə üzərinə düşən vəzifə və fəaliyyəti uğurla davam etdirir.

 

Ölkəmizə qarşı terror təhlükəsini tamamilə aradan qaldırmaq, bölgəmizin təhlükəsizliyinə və sabitliyinə töhfə vermək üçün daxildə və sərhəddən kənarda qabaqlayıcı və dağıdıcı əməliyyatlarımız qətiyyətlə davam edir.

 

Son bir həftə ərzində İraqda 17, Suriyada isə 55 əməliyyat bölgəsində hərbçilərimizə qarşı 72 təqib və hücum cəhdi edilib.

 

Bölgədəki mülki əhaliyə də zərər verən bu hücumlar nəticəsində İraq və Suriyanın şimalı da daxil olmaqla 62 terrorçu zərərsizləşdirilib.

 

Beləliklə, il ərzində zərərsizləşdirilən terrorçuların sayı 3021-ə çatıb (İraq :1464 / Suriya: 1557).