Türkiyə Böyük Millət Məclisi İsrailin BMT-də və digər beynəlxalq təşkilatlarda üzvlüyünün dayandırılması ilə bağlı çağırış edib.
Bu barədə TBMM-nin Qəzzadakı vəziyyətə həsr olunmuş növbədənkənar iclasında yekdilliklə qəbul edilən qətnamədə deyilir.
Parlament, həmçinin, dünyanın bütün qanunverici orqanlarına müraciət edərək İsraillə hərbi və ticarət əlaqələrinin dayandırılmasına çağırıb.
"Biz bütün milli parlamentləri İsraillə hərbi və ticarət münasibətlərini dayandırmağa, Fələstinə qarşı tətbiq edilən embarqonun aradan qaldırılması üçün dərhal addımlar atmağa çağırırıq”, – sənəddə qeyd olunur.
/APA
