Türkiyənin Bahçeşehir Universitetinin birincisi olan Günel Musayeva sosial şəbəkədə ona dəstək olan hər kəsə təşəkkür edib.
AZXEBER.COM-un məlumatına görə, o minlərlə təbrik məktubunu aldığını və bundan çox məmnun olduğunu dilə gətirib.
Günel Musayeva qeyd edib ki, magistr təhsilini də Bahçeşehir Universitetində 100%-lik təqaüdlə alacaq: "Mən bakalavr təhsilimi olduğu kimi, magistr təhsilimi də Bahçeşehir Universitetində alacam. Universitet mənə və bacım Xeyransaya burs verdi. Buna görə doğma universitetimə təşəkkür edirəm".
O Azərbaycandan hələ ki, iş təklifi almadığını deyib: "Hələ ki, Azərbaycandan iş təklifi almamışam. Bundan sonrakı karyeramı harada quracağım barədə qərar verməmişəm. Hələ ki, təhsili düşünürəm"
