Turist daşıyan avtobusla toqquşan avtomobilin sürücüsü Ərdoğan Kocael (70 yaş ) həyatını itirib.
AZXEBER.COM Türkiyə mediasına istinadən xəbər verir ki, hadisə Türkiyənin Muğla bölgəsində baş verib.
Belə ki, Ərdoğan Kocael idarə etdiyi avtomobillə kəsişmədə təcili yardıma yol verib. Təcili yardım maşını keçdikdən sonra yol kəsişməsinə nəzarətsiz daxil olduğu iddia edilən avtomobil turist daşıyan avtobusla toqquşub. Avtomobilində ilişib qalan Ərdoğan Kocael hadisə yerində dünyasını dəyişib.
Ətrafdakılar vəziyyətlə bağlı təcili yardıma məlumat veriblər. Xəbər verildikdən sonra hadisə yerinə polis, sağlamlıq və xilasetmə qrupları sövq edilib. Xilasetmə qrupları tərəfindən sıxışdırıldığı yerdən çıxarılan Ərdoğan Kocaelin cansız bədəni Fethiye Dövlət Xəstəxanasının meyitxanasına aparılıb.
Hadisə ilə bağlı araşdırma aparılarkən polis avtobus sürücüsünü saxlayıb.
Oksana
