Türkiyənin Sivas vilayətində növbəti dəfə gənə sancması nəticəsində xəstəxanaya yerləşdirilən 50 yaşlı qadın həyatını itirib.
AZXEBER.COM Türkiyə mediasına istinadən xəbər verir ki, bununla da şəhərdə gənə səbəbilə ölənlərin sayı 12-yə yüksəlib.
Hadisə Sivasın Zara rayonunda baş verib. Əldə edilən məlumata görə, 50 yaşlı A.Y.-nin bədəninə gənənin yapışdığını fərq edib. Bir müddət sonra səhhətində ciddi problemlər yaranan qadın Sivas Cümhuriyyət Universiteti Xəstəxanasına yerləşdirilib.
Lakin həkimlərin bütün müdaxilələrinə baxmayaraq, A.Y.-nin həyatını xilas etmək mümkün olmayıb. Onun vəziyyəti daha da ağırlaşaraq ölümlə nəticələnib.
Qeyd edək ki, bu, Sivasda cari ildə gənə səbəbilə qeydə alınan 12-ci ölüm hadisəsidir.
Oksana
