Ölkəmizdə də yetəri qədər izlənilən, hətta Azərbaycan üzrə "YouTube" trendində ilk sıralarda qərarlaşan türk serialları 3 həftə yayımlanmayacaq.
Bu haqda "Jet Sosyete" serialının ssenari müəllifi Gürse Birsel sosial şəbəkə hesabında məlumat verib.
Onun sözlərinə görə, buna səbəb həm reklam şirkətlərinin bu müddət ərzində seriallara pul ayırmaması, həm də ekran işini ərsəyə gətirən şirkətlərin sponsorlarla olan müqavilələrini yeniləməməsidir.
Artıq ötən gecə "Sen Anlat Karadeniz" serialının yeni bölümü yayımlanmayıb. Ekran işi 23 yanvar tarixində tamaşaçılarının görüşünə gələcək.
