İstanbulda və Türkiyənin bəzi bölgələrində başladılan "Paralel yapı" əməliyyatı ilə bağlı təhlükəsizlik gücləri bir çox ünvanlara eyni vaxtda müdaxilə ediblər.
Musavat.comxəbər verir ki, "Paralel yapı" istintaqında aralarında polis və media nümayəndələrinin də olduğu 32 nəfərin haqqında həbs qərarının verildiyi və onlardan 8 nəfərinin artıq həbs edildiyi bildirilir.
Jandarmvə polis qüvvələri bu gün saat 08.00 radələrində "Samanyolu" TV-də yayımlanan "Sungurlar" və "Tək Türkiyə" seriallarının prodüseri Saleh Əsanın evinə gəliblər. Və bir qədər sonra S.Əsa həbs edilərək polis idarəsinə aparılıb.
Eyni saatda yenə "Samanyolu" TV-də yayınlanan "Sungurlar" serialının rejissoru Əngin Qoçöz evində həbs olunub.
Həbs edilənlər arasında "Tək Türkiyə" serialında əsas rollardan birinin ifaçısı aktyor Haseki Təhsilin də olduğu vurğulanır.
Bu gün səhər 09.15 radələrində isə polislər Fətullah Gülənə yaxın olması ilə tanınan "Zaman" qəzetinin binasına gəliblər. Binanın qarşısında və içərisində ciddi etirazlarla qarşılaşan polislər əməliyyatı yarımçıq kəsərək qəzetin ofisindən ayrılıblar. "Zaman" qəzetinin rəhbəri Əkrəm Tüstünün evində də axtarışların aparıldığı bildirilir.
Səhər saatlarında polis "Samanyolu" TV-nin binasına da gəlib. "Samanyolu" TV-nin rəhbəri Hidayət Cüyür ifadə vermək üçün İstanbul Polis İdarəsinə aparılıb.
Əməliyyat daxilində Təhlükəsizlik müdiri Xoşbəxt Ekizoğlu və İstanbul Terrorla Mübarizə Şöbəsinin keçmiş müdiri Tufan Ergüder nəzarətə alınıb.
