Türkiyədə tanınmış mafiya liderinin qardaşı güllələndi
09:36 06.04.2013
1398
Türkiyədə tanınmış mütəşəkkil cinayətkar dəstələrdən birinin lideri olan Sedat Pekerin qardaşı Olgun Peker silahlı hücuma məruz qalıb. Yerli mətbuatın yaydığı məlumata görə, İstanbulun Beşiktaş rayonundakı gecə klublarından birində naməlum şəxs Olgun Pekeri ayağından güllə ilə vurub. Yaralı təcili “Alman” xəstəxanasına çatdırılıb, hadisəni törədən şəxs isə qaçmağa müvəffəq olub.Xatırladaq ki, Olgun Peker bir müddət əvvəl Türkiyə futbolunda danışılmış oyunlara qarşı keçirilən əməliyyatlar çərçivəsində həbs olunmuş, daha sonra azadlığa buraxılmışdı.
