Gəncin universitetdən qovulması üçün imza toplama kampaniyası başlayacaq.
Türkiyədə universitet tələbəsi pişiyi bıçaqla vəhşicəsinə doğrayaraq bunu videoya çəkib və həmin görüntüləri internetdə paylaşıb.
AZXEBER.COM-un ANS PRESS-ə istinadən xəbər verir ki, hadisə Türkiyənin Eskişehir vilayətində baş verib.
Məlumata görə, tələbə Mustafa Can Aksoy pişiyinin bağırsaqlarını kəsərək onun bir saat can verməsinə tamaşa edib. Onun bu hərəkəti sosial şəbəkələrdə milyonlarla insanın kəskin etirazı ilə qarşılanıb.
Bəzi sosial şəbəkə istifadəçiləri hüquq-mühafizə orqanlarına müraciət edərək bu şəxsə qarşı ölçü götürülməsini tələb ediblər.
Tələbələr isə onun universitetdən qovulması üçün bu gün imza toplama kampaniyası başladacaqlar.
Qeyd edək ki, Mustafa Can Aksoy 1994-cü ildə Türkiyənin Bartın vilayətində dünyaya gəlib. Eskişehir Osman Qazi universitetinin ədəbiyyat fakültəsinin tələbəsidir.
