Türkiyədə 5 Aprel Vəkillər günü İstanbul 2 Nömrəli Kollegiyası tərəfindən Türkiyənin Ədliyyə Naziri Bekir Bozdağın iştirakı ilə qeyd edilib.
AZXEBER.COM xəbər verir ki, İstanbul 2 Nömrəli Kollegiyasının sədri Yasin Şamlının ev sahibliyini etdiyi iftarda Ədliyyə Naziri Bəkir Bozdağ, İstanbul Valisi Ali Yerlikaya, İstanbul Baş prokuroru Şaban Yılmaz, Üsküdar Bələdiyyə Başçısı Hilmi Türkmen, Sancaktepe Bələdiyyə Başçısı Şeyma Dövücü, Tüm Hukukçular Birliyi sədri Mustafa Kuran, Böyük İç Anadolu Platformunun sədri Mehmet Yalım, İstanbul 2 nömrəli Vəkillər Kollegiyasının Beynəlxalq Hüquq Komissiyasının sədri, azərbaycanlı vəkil Aygün Əliyeva da iştirak iştirak edib.
Ədliyyə naziri Bəkir Bozdağ çıxışında "Biz uzun müddətdir ki, Vəkillər Kollegiyaları ilə iç-içəyik. İlk dəfədir ki, Vəkillər Kollegiyasının təşkil etdiyi iftar süfrəsində iştirak edirəm” deyib.
Bozdağ daha sonra qeyd edib: "Mən əvvəllər də Ədliyyə Naziri vəzifəsində çalışmışam, dövlətimizdə müxtəlif vəzifələrdə çalışmışam, bu günə qədər işlədiyim hansısa Vəkillər Kollegiyası tərəfindən iftar verildiyini xatırlamıram. İlk dəfə 2 saylı İstanbul Vəkillər Kollegiyası bizi bu gözəl iftarda bir araya gətirdi. Fürsətdən istifadə edərək, Vəkillər Kollegiyasının sədri Yasin Şamlı və onun komandasını xoş fikirlərinə görə təbrik edirəm”.
