Türkiyənin Kahramanmaraş şəhərində baş verən zəlzələdən sonra təxribat xarakterli paylaşım edənlərə qarşı tədbirlər davam etdirilir.
AZXEBER.COM xəbər verir ki, Baş Təhlükəsizlik İdarəsinin Kibercinayətkarlıqla mübarizə şöbəsi 531 hesab menecerindən 221-i haqqında hüquqi proses başlandığını, saxlanılan 64 nəfərdən 17-nin həbs edildiyini açıqlayıb.
Digər tərəfdən, zəlzələdən zərər çəkənlərə yardım etmək istəyən vətəndaşların xoş niyyətindən sui-istifadə etmək üçün yaradılmış 46 internet saytının bağlanması təmin edilib. Həmçinin rəsmi qurumların adından istifadə edərək vətəndaşlardan pul tələb edən 15 sosial media hesabı ilə bağlı lazımi tədbirlər görülüb.
