AZXEBER.COM AĞ Partiyanın başqanı Tural Abbaslının Türkiyədəki seçkilərlə bağlı fikirlərini öyrənib.

"Azərbaycan cəmiyyəti, siyasi səhnəsi olaraq Türkiyədəki seçkiləri izləyirik. Azərbaycandakı bütün kəsimlər Türkiyədəki seçkilərə hədəflənib. Bu da təbiidir. Son dövrlər Türkiyənin istər Cənubi Qafqazda, istərsə də  Azərbaycanda oynadığı rol kifayət qədər böyükdür. Azərbaycanın Qarabağ məsələsində dünyadakı mövqeyinin güclənməsində hazırkı iqtidarın birbaşa rolu var. Nəzərə almalıyıq ki, Türkiyədə dünyanın böyük güclərinin də maraqları var. Bu maraqlar çərçivəsində hətta seçkiyə üç gün qalmış namizədi geri çəkdirə bilən güclər var”.

Tural Abbaslının fikrincə belə bir ərəfədə seçkinin nəticəsi ilə bağlı  dəqiq bir proqnoz vermək risklidir:

"Azərbaycanın maraqları Ərdoğanın, AKP-nin iqtidarda daha 5 il uzanması xidmət edir. İnanırıq ki, Türkiyə cəmiyyəti yenidən AKP və Ərdoğana şans verəcək. Onlar yenidən iqtidarda qalacaq. Bu birbaşa Qarabağ məsələsinə təsir edəcək. Sirr deyil ki, Qarabağ məsələsi masada hələ tam həllini tapmayıb.

Bu məsələdə bizim qarşımızda Rusiya, ABŞ,  Fransa kimi ölkələr var. Bu güclərin qarşısına tək çıxmaq Azərbaycan iqtidarı ilə eyni fikirdə olmayan Tükiyə iqtidarı ilə mümkün deyil”.

Partiya sədri sonda Muharrem İncenin namizədliyini geri götürməsindən danışıb:

"Sözsüz ki,  M.İncənin geri çəkilməsi seçkilərə təsir edəcək. Onun səsləri AKP və CHP-yə gedəcək. Cəmiyyətdə yaranan fikir odur ki, İncənin geri çəkilməsində CHP-nin əli var. 

İncə tərəfdarları buna görə AKP-yə də, Sinan Oğana da səs verə bilər. Məlumdur ki, seçkinin taleyini 1-2 faiz səs həll edir.  İnanmaq istəyirəm ki, birinci turda Ərdoğan qalib gələcək. Bundan həm Azərbaycan, həm türk-islam dünyası qazanmış olacaq”.