“Kiçik bir ölkədir, ancaq burda kifayət qədər maliyyə var”.
Türkiyənin “Öztürkler Holding”i Ermənistanda inşaat layihəsi həyata keçirməyə başlayıb.
AZXEBER.COM xəbər verir ki, APA-nın “Sabah” qəzetinə istinadən verdiyi məlumata görə, bunu holdinqin İdarə Heyətinin sədri Yusuf Öztürk deyib.
İş adamı layihənin yaşayış binasının tikintisindən ibarət olduğunu bildirib: “İrəvanda yaşayış binasının tikintisinə başlamışıq. Mən oraya maliyyə yatıran ilk türk iş adamıyam. Kiçik bir ölkədir, ancaq burda kifayət qədər maliyyə var”.
Qeyd edək ki, “Öztürkler Holding” Afrika və ərəb ölkələrində həyata keçirdiyi tikinti layihələri ilə tanınır.
