Bu mövsüm göstərdiyi performansla seçilən türkiyəli futbolçu Enes Ünal La Liqada ən çox oyun keçirən türk futbolçu kimi rekord qırıb.
AZXEBER.COM xəbər verir ki, bu mövsüm ispan klubu "Xetafe"nin forması ilə uğurlu çıxış edən Enes Ünal daha bir rekorda imza atıb.
Enes La Liqada 196-cı oyununu keçirərək İspaniyanın bir nömrəli liqasında ən çox oyun keçirən türkiyəli futbolçu olub.
Enes 195 matça çıxan Nihat Kahvecini geridə qoyub. 163 matça çıxan Arda Turan isə 3-cü yerdədir.
Nihat Kahveci 195 matçda 75 qol vurub. Enes Ünal 196 matçda "Selta Viqo"ya vurduğu qolla 52 qol vurub.
Enes daha 24 qol vursa, La Liqanın türkiyəli bombardiri olacaq.
Qeyd edək ki, bu mövsüm 33 oyun keçirən Enes La Liqada 14 qol vurub.
Mikayıl
