Türkiyənin Antalya şəhərində 25 yaşlı güləşçi, baş pəhləvan Hakkı Aygün küçə ortasında odlu silahla öldürülüb.
"Hürriyet” xəbər verir ki, 20 yaşlı U.Ç.S. çinayəti törətdiyi silahla polisə təslim olub.
Hadisə gecə saatlarında baş verib. Silahlı şəxs idmançının hərəkətdə olan avtomobilini saxladıb və onun sinə nahiyəsinə tapançadan atəş açıb.
Bu zaman küçədə olan şahidlər polisə xəbər verib. Xəstəxanaya aparılan güləşçinin həyatını xilas etmək mümkün olmayıb.
O, ölümündən bir neçə saat əvvəl "Instagram” hesabının hekayə bölməsində "Demedim mi Merdo vurarlar seni” mahnısını dinlədiyi videonu paylaşıb.
Aygünün iki il əvvəl də barda baş verən davada yaralandığı bildirilir.
Polis iki hadisə arasında əlaqə olub-olmadığını aydınlaşdırır.
