Meşə yanğını qrupların 98 saatlıq müdaxiləsindən sonra nəzarət altına alınıb.
AZXEBER.COM xəbər verir ki, hadisə Türkiyənin Kahramanmaraş bölgəsində baş verib.
Yanğın keçən həftə cümə axşamı yerli saatla 09:00 radələrində baş verib.
Xəbərdarlıq üzərinə Meşə Təsərrüfatı Regional Müdirliyi tərəfindən bölgəyə 130 canlı qüvvə, 3 helikopter, 6 ilk müdaxilə maşını, 6 su tankeri, 2 su təchizatı maşını, 4 iş maşını və 13 xidmət maşını göndərilib.
Böyükşəhər Bələdiyyəsi Yanğından Mühafizə İdarəsinin 4 komandası ilə dəstəklənən söndürmə işləri bölgənin sıldırım və qayalıq olması səbəbindən çətinliklə aparılıb.
Yerli əhalinin dəstəyi ilə qrupların 98 saatlıq çalışması nəticəsində yanğın bu gün yerli saatla 11:00 radələrində nəzarətə alınıb.
Oksana
