AZXEBER.COM Baku TV-yə istinadən xəbər verir ki, gəminin və ekipajın qarşılanması münasibətilə limanda rəsmi şəxslərin, liman əməkdaşlarının və gənclərin iştirakı ilə bayram tədbiri və konsert proqramı təşkil olunub.
"Dostluq" tankeri Türkmənistan Prezidenti Sərdar Berdiməhəmmədovun Bakıya rəsmi səfəri zamanı təqdim edilib və Azərbaycan-Türkmənistan arasında iqtisadi, nəqliyyat və mədəni əməkdaşlığın yeni rəmzi kimi qiymətləndirilir. Müasir təhlükəsizlik və ekoloji standartlara uyğun inşa edilən gəminin uzunluğu 141 metr, eni 17 metr, yükgötürmə qabiliyyəti isə təxminən 8 min tondur.
