UEFA "Qarabağ"ın futbolçusu Marko Yankoviçin Avropa Liqasının G qrupunun II tur oyununda Fransanın "Nant" komandasına vurduğu qolu fərqləndirib.
Bununla bağlı turnirin sosial şəbəkə hesablarında paylaşım edilib.
Monteneqrolu yarımmüdafiəçinin fərqləndiyi epizodun paylaşıldığı videonun üzərində bu sözlər yazılıb: "Marko Yankoviç tərəfindən güc və dəqiqlik".
Qeyd edək ki, "Qarabağ" Bakıda "Nant"a 3:0 hesabı ilə qalib gəlib. Yankoviç matçda sonuncu qolun müəllifi olub.
