Ukrayna Böyük Britaniyadan xaricdə dondurulmuş Rusiya aktivlərindən əldə olunan gəlirlərdən ayrılan vəsaitlə təmin edilib.
Bu barədə Ukrayna Baş naziri Denis Şmıqal sosial şəbəkələrdə paylaşım edib.
"Ukraynaya Britaniyadan dondurulmuş Rusiya aktivlərindən əldə edilən gəlirlərlə təmin edilmiş ilk vəsait daxil olub", - o bildirib.
Qeyd edib ki, Ukrayna bu çərçivədə 752 milyon funt alıb.
Daha əvvəl D.Şmıqal Ukraynanın 300 milyard dollar həcmində Rusiya aktivlərini almağı planlaşdırdığını bildirmişdi.
