İtaliya Parlamentinin Yuxarı Palatasının (Senat) sədri Maria Elizabetta Kasellati hesab edir ki, Ukrayna böhranının həllinə beynəlxalq səviyyədə böyük dövlətlərin iştirakı ilə nail olunmalıdır.
Bu barədə Maria Elisabetta Kasellati "Corriere della Sera” qəzetinə müsahibəsində bildirib.
"Biz müxtəlif sahələri əhatə edən, idarəçilik arxitekturasını beynəlxalq səviyyədə dəyişdirən münaqişə ilə üzləşmişik. Ona görə də beynəlxalq səviyyədə təkcə Rusiya və Ukraynanı deyil, həm də ABŞ, Çin və xüsusilə Avropa İttifaqı kimi bütün aparıcı gücləri, bütün aparıcı dövlətləri danışıqlar masası arxasında bir araya gətirərək, onun həlli yollarını axtarmaq lazımdır”-deyə, o bildirib.
Bununla yanaşı, Kasellati hesab edir ki, Aİ başqalarının arxasınca getməməli, onun rolunun əhəmiyyətini azaldan parçalanmalara və etibarsızlıqlara qalib gələrək, xarici siyasətdə və müdafiədə öz muxtariyyətini nümayiş etdirməlidir.
///Report
