Ukrayna Silahlı Qüvvələri Zaporojye vilayətində düşmənin diversiya-kəşfiyyat qruplarını mövqelərindən çıxarıb və uğurla irəliləyib.
Bu barədə məlumat 210-cu ayrı şturm alayının Facebook səhifəsində paylaşılıb.
"Yaxşı planlaşdırılmış hücum əməliyyatları nəticəsində 1-ci şturm batalyonumuz Zaporojye vilayətində irəlilədi. Düşmənin diversiya-kəşfiyyat qruplarını mövqelərindən çıxardıq və daha əvvəl digər bölmələrin uğurla ala bilmədiyi mövqeləri ələ keçirdik", – deyə məlumatda bildirilir.
Hərbçilərin sözlərinə görə, bu uğur yalnızca hərtərəfli planlaşdırılmış və mükəmməl icra olunmuş hücum əməliyyatı sayəsində mümkün olub. Bu barədə belə qeyd edilib:
"Əməliyyat zamanı artilleriyadan və hücumçuları dəstəkləmək üçün dronlardan istifadə edilib. Ən vacibi odur ki, biz bu əraziləri bir nəfər belə itki vermədən azad edə bildik”.
/APA
