Ukrayna və Böyük Britaniyanın xarici işlər nazirləri arasında telefon danışığı olub.
Bunu Ukraynanın xarici işlər naziri Andrey Sibiha "X" hesabında yazıb.
Onun sözlərinə görə, söhbət zamanı Ukrayna - Rusiya cəbhəsindəki vəziyyət, eləcə də NATO-nun Haaqa sammiti və "G7" də daxil olmaqla, qarşıdan gələn önəmli tədbirlər ərəfəsində mövqelərin koordinasiyası kimi məsələlər müzakirə edilib
A. Sibiha Rusiyaya sanksiyaların gələcəkdə daha da genişləndirilməsi niyyətinə görə qarşı tərəfə təşəkkür edib, habelə, ölkəsinin kritik infrastrukturunun müdafiəsi üçün əlavə hava hücumundan müdafiə sistemlərinə ehtiyacı olduğunu vurğulayıb.
Ukraynalı nazir bölgədə davamlı və dayanıqlı sülhün əldə olunması üçün Rusiyaya təzyiqlərin edilməsini vacib sayıb.
A. Sibiha Ukraynaya dəstək məsələsində Böyük Britaniyanın liderliyini yüksək qiymətləndirib.
