Ukraynanın Rovno vilayətində koronavirusun yeni növü olan Arcturus ştamına rast gəlinib.
Bu barədə vilayət administrasiyasının rəhbəri Vitali Koval bildirib.
O, yeni ştama neçə adamın yoluxduğunu açıqlamayıb.
Məlumata görə, yeni ştam Kraken ştamından 1,2 dəfə daha yoluxucudur.
Qeyd olunub ki, bu ştama yoluxanlarda yüksək hərarət, öskürək, boğaz ağrısı, əzələ zəifliyi müşahidə olunur.
Həmçinin bildirilib ki, yeni ştama yoluxanların gözlərində qaşınma olur.
