Ukrayna Prezidenti Volodimir Zelenski ölkənin keçmiş prezidenti Petro Poroşenko və bir sıra şəxslərə qarşı sanksiyalar tətbiq edib.
V.Zelenski bu gün müvafiq fərman imzalayıb.
Fərmana əsasən, Poroşenkoya qarşı tətbiq edilən sanksiyalar müddətsizdir, o, dövlət mükafatlarından məhrum ediləcək, aktivləri bloklanacaq və ticarət əməliyyatları məhdudlaşdırılacaq. P.Poroşenkonun Ukrayna ərazisi ilə resursların tranziti, daşınması və uçuşlar həyata keçirməsi, həmçinin kapitalın xaricə çıxarılması qadağan edilib. Sanksiyalar iqtisadi və maliyyə öhdəliklərinin icrasının dayandırılmasını və dövlət əmlakının özəlləşdirilməsində və ya icarəsində iştirakın qadağan edilməsini nəzərdə tutur. Radiotezlik spektrindən istifadəyə məhdudiyyətlər tətbiq edilib və elektron kommunikasiya xidmətlərinin göstərilməsi tam dayandırılıb.
Bundan başqa, Poroşenkoya dövlət və müdafiə satınalmaları həyata keçirmək, xarici və hərbi gəmilərin Ukrayna limanlarına daxil olması qadağan edilib. Onun paya və ya təsirə malik olduğu şirkətlərin nizamnamə kapitalının artırılmasına məhdudiyyət qoyulub. Sanksiyalar həmçinin torpaq sahələrinin alınmasını, qiymətli kağızlar üzrə müqavilələrin bağlanmasını, eləcə də dividend və ya digər korporativ ödənişlərin həyata keçirilməsini qadağan edir.
Poroşenko ilə yanaşı, İqor Kolomoyski (iş adamı, "Privatbank"ın keçmiş sahiblərindən biri, Ukraynanın ikinci prezidenti Leonid Kuçmanın kürəkəni Viktor Pinçukun sifarişli qətlində şübhəli bilinir), Gennadi Boqolyubov ("Privatbank"ın keçmiş sahiblərindən biri), Konstantin Jevaqo ("Maliyyə və kredit" maliyyə-sənaye qrupunun keçmiş sahiblərindən biri, milyarder, "VA Intertrading” şirkətinin sahibi) və Viktor Medvedçuka (keçmiş deputat) da qarşı sanksiya tətbiq edilib.
///report
