Avropa Komissiyası Ukraynanın Avropa İttifaqı üzvlüyünə yaşıl işıq yandırmağa hazırlaşıb.
AZXEBER.COM xarici mediaya istinadən xəbər verir ki, Avropa Komissiyası Avropa İttifaqı blokuna Rusiyanın Ukraynaya müdaxiləsindən 20 aydan çox vaxt keçdikdən sonra lazımı şərtlərə cavab verərsə, Kiyevlə üzvlük danışıqlarına başlamağı tövsiyə edəcək.
İki Avropa İttifaqı rəsmisi məlumat verərək bildirib ki, yüksək rütbəli hökumət rəsmisi Ukraynanın Avropa Komissiyasının üzvlük namizədliyi ilə bağlı müsbət qiymətləndirməsini gözləyir.
Ukrayna qoşunlarının müharibədən yorulduğu və ABŞ-nin gələcək hərbi yardımı ilə bağlı narahatlıqların olduğu bir vaxtda Avropa Komissiyasının bu tövsiyəsi Kiyev üçün çoxdan gözlənilən mükafatdır.
Ukraynanın yeddi şərtə görə, qiymətləndiriləcəyi Komissiyanın dərc edəcəyi hesabat Avropa İttifaqı liderlərinin dekabrda keçiriləcək sammitdə Kiyevlə rəsmi üzvlük danışıqlarına başlanılıb-başlanılmaması ilə bağlı qərarında həlledici rol oynayacaq.
Hər iki Avropa İttifaqı rəsmisi tövsiyənin Kiyevlə rəsmi danışıqlara başlamaq mənasına gəldiyini bildirib və Aİ-yə namizəd Ukrayna və Moldova ilə gələn il rəsmi danışıqlara başlaya biləcəklərini bildiriblər.
Nəzrin
