"Ukrayna ordusu minalı sahələri əllə təmizləyir”.
Bunu Ukraynanın Baş naziri Denis Şmıqal ABŞ-nin "Financial Times” nəşrinə müsahibəsində deyib.
Onun sözlərinə görə, Ukrayna Silahlı Qüvvələri irəliləməyə davam edəcək: "Qızlarımız və oğlanlarımız qarın üstə sürünərək geniş mina sahələrini əllə təmizləməyə çalışırlar. Biz gündə 100, 300, 800 metr məsafə qət edirik. İrəliləməyə davam edəcəyik”.
Xatırladaq ki, Rusiya ilə Ukrayna arasında genişmiqyaslı müharibə ötən il fevralın 24-də başlayıb. Ukrayna bu ilin iyununda əks-hücum əməliyyatları keçirir. Rəsmi Kiyevin mövqeyinə görə, Ukraynanın ərazi bütövlüyü tam təmin olunmadan müharibə başa çatmayacaq. Ukrayna Prezidenti Volodimir Zelenski daha əvvəl bildirmişdi ki, Qərb dəstəyi dayandırsa, ölkəsi geri çəkiləcək.
///Report
