Cənubi Koreya prezidenti Yoon Suk-yeol Şimali Koreyanın Ukraynaya qarşı Rusiya tərəfində döyüşmək üçün qoşun göndərməsi müqabilində ölkəsinin Ukraynaya daha çox dəstək verməyi nəzərdən keçirəcəyini bildirib.
AZXEBER.COM xarici mətbuata istinadən xəbər verir ki, İspaniyanın EFE xəbər agentliyinə danışan Yoon Pxenyanın Moskvaya silah da verdiyini iddia edib.
"Onların hər ikisi təhlükəli hərbi avantüralarını dayandırmasalar, müttəfiqlərimiz və həmfikir ölkələrlə əməkdaşlıqda Ukraynaya dəstəyi gücləndirmək daxil olmaqla, müvafiq effektiv tədbirlər həyata keçirməyə hazırıq", - Yun bildirib.
Cənubi Koreya Milli Kəşfiyyat Xidməti dünən Şimali Koreya əsgərlərinin Ukrayna qüvvələrinə qarşı döyüşmək üçün Rusiyanın Kursk şəhərindəki cəbhə bölgəsinə hərəkət etdiyini iddia edib.
Ukrayna rəsmisi də eyni şəkildə 50 min rus və Şimali Koreya əsgərinin Ukraynaya qarşı döyüşmək üçün Kurska göndərildiyini iddia edib.
Qeyd edək ki, prezident Yoon oktyabr ayında ölkəsinin "Rusiya və Şimali Koreya arasında hərbi əməkdaşlığın miqyasından asılı olaraq” Ukraynaya silah tədarükünü nəzərdən keçirə biləcəyini də açıqlamışdı.
Gülay
