Həddindən artıq istilər səbəbindən yaz aylarında qida və içkilər daha tez xarab olur. Bu aylarda içməli su mənbələrinin çirklənmə ehtimalı artsa da, yuyulmamış meyvə və tərəvəzlərdən bağırsaq infeksiyaları riski də artır. Xüsusilə uşaqlarda ishal son zamanlar getdikcə daha çox yayılıb.
AZXEBER.COM xəbər verir ki, ishal ilə yanaşı bədəndə əhəmiyyətli dərəcədə su və dəyişkən elektrolit itkisi nəticəsində yaranan susuzlaşma körpələrdə və azyaşlı uşaqlarda təhlükəli nəticələrə səbəb ola bilər.
Mütəxəssislər bildiri ki, yaz aylarında geniş təsadüf olunan ishal körpələrdə həyati təhlükə yarada bilər.
İshal çirklənmiş su mənbələri vasitəsilə yayılan müxtəlif bakterial, virus və parazitar orqanizmlərin yaratdığı infeksiyalardan qaynaqlanır. 5 yaşdan kiçik uşaqlarda ən çox yayılmış virus patogenləri rotavirus, norovirus, adenovirus və astrovirusdur. Bunlardan rotavirus asanlıqla ötürülməsinə görə ən çox yayılmışıdır. Rotavirus peyvəndinin hazırlanması infeksiyaya nəzarət baxımından ən vacib profilaktik tədbir hesab olunur.
İshal olan uşaqlarda nəcisdəki dəyişikliklərlə yanaşı aşağıdakı simptomlar müşahidə edilə bilər:
Qarın ağrısı
Aralıqlı qusma
Yüksək qızdırma
İştahsızlıq və halsızlıq
Həddindən artıq maye itkisi
Bu mərhələdə körpələrin və uşaqların susuzlaşıb-susuzlaşmadığını müəyyən etmək vacibdir. Çünki susuzlaşma ölümlə nəticələnə bilər.
Ağızda, dildə və dodaqlarda quruluq, gözlərin batması, istənməyən və ya əsəbi davranış, ağlayarkən daha az göz yaşı, həmişəkidən daha az uşaq bezi istifadəsi, dəri elastikliyinin itirilməsi, ürək döyüntüsünün artması, yuxululuq kimi hallar müşahidə olunarsa, körpələr və uşaqlar dərhal tibbi yardım almalıdırlar.
İshaldan əziyyət çəkən körpələr və uşaqlar üçün susuzlaşmanın qarşısını almaq üçün bol maye qəbul etmək vacibdir. İshal varsa, valideynlər əvvəlcə onlara bol su və ya evdə hazırlanmış oral rehidratasiya məhlulları verə bilərlər. Vəziyyət pisləşərsə, uşaqların müalicə üçün dərhal xəstəxanaya aparılması vacibdir.
Aysel
