Son zamanlar səhhətində problem olduğu açıqlanan və uzun müddətdir ictimaiyyət qarşısına çıxmayan Kral Çarlz və şahzadə Keyt Middltonun ortada olmaması narahatlığa səbəb olub.
AZXEBER.COM Britaniya mediasına istinadən xəbər verir ki, bir neçə ay əvvəl əməliyyat olunduğu üçün xəstəxanaya yerləşdirilən və o vaxtdan bəri ictimaiyyət qarşısına çıxmayan Keyt Middlton ötən həftə Analar Günü münasibəti ilə sosial şəbəkədə foto paylaşsa da, bu fotonun fotoşopla çəkildiyi səbəbiylə böyük əks-səda doğurub.
İddialardan biri Keyt Middlton və əri Şahzadə Uilyamın ayrılması olsa da, Uilyamın Keytin üçüncü övladına hamilə ikən ailənin yaxın olduğu Rouz Hanberi ilə eşq macərası yaşadığı iddiası yenidən gündəmə gəlib. Bu iddia 2019-cu ildə edilib, lakin sonradan şaiyələr dayanıb.
"The Sun" qəzeti Şahzadə Keytin ilk dəfə ictimaiyyət qarşısına çıxdığını yazıb.
Qəzet mövzu ilə bağlı heç bir fotoşəkil paylaşmasa da, Keyt və Uilyamın yerli bir mağazanın qarşısında dayandığını da bildirib.
Cütlüyün səhər saatlarında uşaqları Corc, Şarlotta və Luilərin idman etdiklərini izlədikləri də deyilib.
Qeyd edək ki, Keyt sonuncu dəfə Milad zamanı ictimaiyyət qarşısına çıxıb, lakin səhhətindəki problemlərə görə dekabr ayından bəri görünmürdü.
Mikayıl
