Park Cinema İMAX-da ilin ən çox gözlənilən filmlərindən olan “Varkraft” blokbasterinin ictimaiyyət üçün nümayişi keçirilib
Flame Towers – də yerləşən Park Cinema İMAX kinozalında ictimaiyyət və KİV nümayəndələrinin iştirakı ilə 2016-cı ilin ən çox gözlənilən filmlərindən biri – rəngarəng və irimiqyaslı “Varkraft” blokbasterinin (həqiqətən də eyniadlı əfsanəvi oyunun fanatları filmin ekranlara çıxmasını 10 ildir ki, gözləyirdilər) nümayişi keçirilib.
Devid Bouinin oğlu, “Ay 2112”nin rejissoru Conson Dunkanın çəkdiyi fiulm tamaşaçıları onlara uşaqlıqdan tanış olan fentezi dünyasına aparır. Belə ki, süjet xəttinə görə, orkların dünyası Drenor məhv olur və xilas olmaq üçün onlar insanların dünyası Azerota köçməyə məcburdurlar. Şaman Qul’dan portalı açır və Ordanın avanqardı insanların torpaqlarına yeriyirlər. Portal canlıların canını soran Skvernada – qara magiya (daha doğrusu, yaşıl) çalışır, Drenorla əlaqə saxlamaq üçün isə Qul’dan qurbanlar lazımdır. Orklar əsir götürmək üçün insan məskənlərinə hücum çəkirlər, insanlar isə kral Lleyn və cəngavər Anduinin başçılığı ilə ordu toplayırlar, gənc maz Kadqar isə təcrübəli Medivadan məsləhət almağa çalışır.
Nümayişdə iştirak edən qonaqlar Park Cinema kinoteatrlar şəbəkəsinin və Film Distribution İnternational-ın təşkil etdiyi ictimai nümayişlərin xeyirxah ənənə halı almasından məmnunluqlarını ifadə ediblər. Tamaşaçıların fikrincə, ictimai nümayişlərin sayəsində yerli kino həvəskarları çoxdan gözlənilən dünya premyeralarını birincilər sırasında izləmək imkanı ilə yanaşı öz aralarında ünsiyyət qurmaq və sonra yazacaqları resenziyalar üçün fikir yürütmək imkanı yaratdığına görə Park Cinema kinoteatrlar şəbəkəsinə və Film Distribution İnternational şirkətinə minnətdardırlar.
Filmə Bakı və Gəncənin bütün kinoteatrlarında mayın 26-dan etibarən tamaşa edə bilərsiniz!
