Şəki şəhər RPŞ əməkdaşları tərəfindən narkotik vasitələrin qanunsuz dövriyyəsi və əkini ilə məşğul olan şəxs saxlanılıb.
AZXEBER.COM ARB TV-yə istinadən xəbər verir ki, keçirilən əməliyyat-axtarış tədbirləri nəticəsində Şəki şəhər sakini, əvvəllər məhkum olunmuş Sadiq Mustafayev məsuliyyətə cəlb olunub.
Onun şəhər ərazisindəki evinə də baxış keçirilib. Orada dibçəklərdə əkilmiş və xüsusi qulluq edilərək yetişdirilmiş 8 ədəd çətənə bitkisi və 3,246 kiloqram marixuana aşkar edilərək götürülüb.
Sadiq Mustafayev - Saxlanılan şəxs: "8 dibçəkdə əkmişəm. Vaxtlı-vaxtında suyunu verirdim. Buna qulluq etmişəm. Etdiyim əməldən əlbəttə, peşmanam. Səhvdi də. Həyatda hamı səhv edir".
Faktla bağlı araşdırmalar davam etdirilir.
