Yazıçı-publisist, tarix üzrə fəlsəfə doktoru İradə Əlili, Nuranə Şıxaliyeva və Faiq Hüseynovun müəllifi olduğu ”Vətənin cəsur döyüşçüləri-2” adlı kitabı 3 dildə azərbaycan, ingilis və rus dilində nəşr olunub.
AZXEBER.COM xəbər verir ki, kitabda Azərbaycan ərazilərinin,tarixi torpaqlarının uzun illər ərzində qeyri-qanuni zəbt edilməsinə son qoymaq məqsədi ilə torpaqlarımızın erməni terrorçularından azad olunması uğrunda canından keçən Sabirabad rayonundan olan şəhidlər, qazilərimiz-müharibədə iştirak edən oğullar haqqında məlumatlar öz əksini tapmışdır.
Nəşrin redaktorları Azərbaycan Respublikasının insan hüquqları üzrə müvəkkili (ombudsman) aparatının əməkdaşı, şair publisist Azadə Novruzova və Minaxanım Əkrəmqızıdır , dizayneri isə Fuad Musayevdir. Kitabı tərcümə edənlər Ellada Mirzəyeva, Fatma Hüseynova, Pərvanə Səlimovadır.
Məsləhətçilər isə Könül Həbibqızı, Vüqar Hacıyev, Firəngiz Quliyevadır, korrektoru Könül Məmmədzadədir. Kitab geniş oxucu kütləsi üçün nəzərdə tutulmuşdur.
Birinci müəllif İradə Əlili kitabda əməyi keçən bütün dostlara minnətdarlığını bildirir.
