Bakı Apellyasiya Məhkəməsində Rabitə Nazirliyinin yüksək vəzifəli şəxslərinin barəsindəki hökmdən verilən apellyasiya şikayəti üzrə məhkəmə onların müsadirə olunan əmlakları ilə bağlı qərar verilib.
AZXEBER.COM qafqazinfo-ya itsinadən xəbər verir ki, hakim Qədim Babayevin icraatında olan prosesdə təqsirləndirilən şəxslərin 2009-cu ildən öncə əldə etdikləri əmlakların üzərindən həbs götürülüb və onların özlərinə qaytarılıb.
Qeyd edək ki, dünənki qərarla Vidadi Zeynalovun cəzası 4 ilə, Beytulla Hüseynovun cəzası isə 7 il 6 aya endirilib.
Namazalı Məmmədov, Anar Mustafayev, Emin Məmmədov və Qəmbər Bəybalayevə şərti cəza verilib. Onlar məhkəmə zalından azadlığa buraxılıblar.
"Aztelekom" MMC-nin sabiq baş direktoru Məhəmməd Məmmədov, Oktay Rüstəmov, Cəlil Cəfərov, Səhrab Hümmətov, Bayram Vəliyevə isə Bakı Ağır Cinayətlər Məhkəməsinin hökmü ilə şərti cəza verilib və məhkəmə zalından azadlığa buraxılıblar.
