1992-ci ildə çəkilən foto bu günlərdə sosial şəbəkələrdə ən çox izlənilən görüntülərdəndir.AZXEBER.COM-un məlumatına görə, şəkil haqda yazılıb: "Bu fotoşəkil 1992-ci ilin iyulunda Rusiyanın ikinci böyük şəhəri Sankt-Peterburqda çəkilib. Avropada Təhlükəsizlik və Əməkdaşlıq Müşavirəsindən (indiki ATƏT) geri dönən Azərbaycanın o zamankı prezidenti Əbülfəz Elçibəyin başçılıq etdiyi nümayəndə heyətini gətirən təyyarə Sankt-Peterburqun “Pulkovo” hava limanına enib. Nümayəndə heyətini aeroportda şəhərin meri Anatoli Sobçak qarşılayıb. Şəkildə soldan Anatoli Sobçak, Azərbaycan baş nazirinin birinci müavini Vahid Əhmədov və prezident Əbülfəz Elçibəy... Arxa sırada solda isə gözlərini yuxarı zilləyərək dayanmış sarışın şəxs Sankt-Peterburq merinin köməkçisi Vladimir Putindir. Və üstündən 8 il keçəndən sonra – 2000-ci ildə Rusiyanın ikinci şəhərinin merinin köməkçisi Rusiyanın prezidenti olur. Bu il isə o, üçüncü dəfə Rusiya prezidenti kürsüsünə əyləşdi".AZXEBER.COM həmin fotonu təqdim edir.
