"Volkswagen” Hindistanda avtomobil hissələrini səhv təsnif etməklə daha az vergi ödəməkdə ittiham olunur.
AZXEBER.COM xarici mətbuata istinadən xəbər verir ki, Hindistanın vergi orqanları Almaniyanın avtomobil istehsalçısı "Volkswagen"i 12 il ərzində avtomobil idxalını səhv təsnifatlandıraraq 1,4 milyard dollar vergidən yayınmaqda ittiham edib.
Səlahiyyətlilər iddia edirlər ki, "Volkswagen" avtomobil hissələrini ayrı-ayrı göndərmələrdə idxal edərək Hindistanda yığmaqla aşağı rüsum dərəcələrindən faydalanır.
Hissə idxalı daha aşağı vergilərə məruz qaldığı halda, tam yığılmış avtomobillərin idxalı daha yüksək vergilərə məruz qalır.
Şirkət Bombay Ali Məhkəməsinə müraciət edərək bu vergi tələblərinə qarşı hüquqi mübarizəyə başlayıb.
