Aparıcı Vüsalə Əlizadə Türkiyədə xəstəxanaya yerləşdirilib.
AZXEBER.COM xəbər verir ki, aparıcının sözlərinə görə xəstəxanaya yerləşdirilməsinə səbəb səhhətində yaranan problem olub.
Sosial media hesabından açıqlama verən aparıcı böyrək probleminə görə yox, bədənində yaranan kista səbəbilə əməliyyat olunduğunu deyib:
"Analizlərdən sonra gecəni xəstəxanada keçirtdim. Həkim məni sadəcə 2 saat yatıracağını dedi. Yəni, bunun adı "əməliyyatdır" deyə o bildirib.
Vüsalə rəylərdə haqqında yazılan əsassız fikirlərə də cavab verib:
"Bəzən bilib-bilmədən bəxtəvərlik oxuyub nəfsini tökən, "Kaş onun yerində olaydım!” deyənlər. Onlara nə var, kefdədirlər dərdləri, sərləri yox kimi cılız yanaşmalar. Bu fikirlər təkcə mənim üçün deyil, sosial gündəmdə olan bir çoxları üçün səslənir. Mənim həyatımın marağında olanlar bir ayrı ordudur.
Heç kimin həyatında,qazancında, ruzusunda, azında, çoxunda gözüm olmayıb, öz kiçik dünyamda sevdiklərimlə, bir balamla xoşbəxt olmağa çalışmışam. Mənim də o qədər çatan-çatmayan tərəflərim olub ki, var da! Amma heç kimin yaşamına, heyatına baxıb köks ötürməmişəm. Allahımın mənə məsləhət bilib verdikləri ilə yetinmişəm və dünya malına heç vaxt "mənimdir" deməmişəm.
Hər dua edəndə deyirəm ki, "Allahım, sənin olanları mənim hansısa savabıma, xeyir əməlimə görə mükafat vermisən. Çünki mal-mülk də Allahındır! Necə ki, məktəbdə yaxşı oxuyub, yaxşı qiymət aldığımız kimi, gözəl həyatımız da Allahın hədiyyəsidir. Amma bunun bədəlini hərə bir cür verir, inanın ki, verir. 17 yaşımdan sağlamlığımla mübarizə aparıram. 23 ildir ki, hər səhər-axşam müalicə alıram, şikayət etmirəm, qismətim belədir. Allah birini alanda, başqasını verir. Mən yenə də Allahın ətəyindən əlimi üzmədim. Allahım məni sınadı.
Ana olmaq üçün hansı risklərdən keçdim. Nə gözəl ki də keçdim, minlərlə qadına stimul verib arzularının çiçək açmasına səbəb oldum. Çox şükür bu günə. Deməyim odur ki, həyat mücadilədir, bir savaşdır, biz də savaşçı, öz heyatınızın səngərində vuruşun, başqa səngərin nə enişi-yoxuşu var bilmirsiniz, nəfsinizin qurbanı olmayın. Hər kəs qismətinə yazılanı yaşayacaq. İnşallah ki, qismətimizə gözəl günlər yazılsın. Yazan, maraqlanan, nigaran qalan hər kəsə çox təşəkkür edirəm, minnətdaram".
Aysel
